Í athöfninni er algengt að sungin séu 2-4 lög, valin af brúðhjónum í samráði við söngvara. Algengt er að hafa einn sálm og 1-3 rómantísk og falleg dægurlög. Hægt er að fá nokkrar hugmyndir um lagaval hér en að sjálfsögðu syng ég einnig eftir beiðni.

Minn metnaður sem söngkona við þetta tilefni er að flytja fallegan söng með mikilli tilfinningu því dagur þessi er einmitt dagur tilfinninga og er athöfnin heilög stund. Einnig þykir mér mikilvægt að hafa smáatriði á hreinu því það síðasta sem brúðhjón þurfa er óvæntar uppákomur og óáreiðanleiki á brúðkaupsdaginn.

Veislan:

Í brúðkaupsveislunni er algengt að tónlistarfólk sé ráðið til að bjóða uppá lifandi tónlistaratriði. Hægt er að hafa ýmis konar tónlistaratriði, í byrjun veislu meðan kokteill stendur yfir, yfir borðhaldi eða síðar um kvöld sem skemmtiatriði.

Ég hvet fólk eindregið til að hafa samband við mig og viðra hugmyndir sínar og þá getum við örugglega komist að samkomulagi. Möguleikarnir eru margir og er alltaf hægt að komast að samkomulagi og gera brúðkaupsdaginn fullkominn.

Sessý - gsm: 697-4688 - sessy@sessy.net